ليتكـ البحر واصير جده

}... بحـــر جـــده







ماعاد باقـي فـي حياتـي مـوده
ولا عاد باقي بالزمن شي ارجيـه





حلم ٍ كبير ورمـح الاقـدار هـده
وقلب تحطم كيف تجبـر هقاويـه





مليت جـزر الوقـت مليـت مـده
مليت حتى ثوبي اللـي انـا فيـه





يمكن لقيت الحـزن مرسـى اوده
ويمكن عذرت الولف لاصرت ناسيه





وين انت ياللي بحر الاوهـام لـده
وين انت ياللي بح صوتي اناديـه





ليت البحر عينك وانا اصير جـده
واسكن على موجك والمه واداريـه





وليتك سالت الجفن عن حال خـده
والا سالت الحال عن سكتة التيـه





احيان اضم الشوق واحيان اهـده
والقى معه بين الحنايـا مشاريـه





الحق علـى قلـب تحـب وتـوده
قبل الشقى لا يدفن ثيـاب راعيـه



اشتقــت

اشتقت لك والا لك الحال مشتاق " "
اشتقت لك والا غرامك جرفني


شفني بعد مارحت ماعدت انطاق " "
حتى دموعي ملت اليوم جفني


العن دموع العين هي دمعة فراق " "
لا قال من تغليه مابي وعفني


ياصاحبي ياصاحب الذوق يا هاق " "
ان الهنا في غيبّتك ملتحفني


حرام ما وقّّـف على الصدر طْرّاق " "
الا الشقا من رحت دوم يغرفني


همين والثالث عصر ذيك الاعماق " "
هم ٍ لعب فيني وهم ٍ حذفني


قلي دخيلك كيف حالك والاشواق " "
قلي امانه دمع عينك ذرفني


قلي اذا دقيت وش حال الاعناق " "
هي تلتفت والا ماعاد تعرفني


ماني بقايل روح بألفين ( طقاق) " "
بقول لا من رحت وقف وشفني


يوم القهر يطبع على كبدي ( إطراق ) " "
ساعة رحلت ودمع عينك نصفني







ضــــآيــــق }....








ضايق ولا ادري ليه هالبال ضايق
حاير وليلي بين الاوجاع ليله





ماشلت همي والحنايا حرايق
حتى اشيله والليالي طويله





الصبر ضاع وحاجتي له دقايق
والليل طال وضيقي ماتشيله





لحظات احس اني على الحزن لايق
ولحظات اشوف الحزن حاجه قليله





اقول فيّ الناس شافت حقايق
لكن بقى حاجات فيني عليله





باقي شقى واحزان والمزن سايق
دربي وليلي والمنايا بخيله





اصد عنها صدت اللي توايق
بين الهموم وشاف همٍ يخيله





داسه وقال اليوم خل الخلايق
تشوف كيف النفس صارت ذليله





وضايق ولا ادري ليه هالبال ضايق
حاير وليلي الف ليله وليله


كل الود لمن عطر صفحتي بحضوورهـ ..